நிரந்தர அல்லது பகுதி சேதம் அல்லது உருக்குலைவு அல்லது எரித்தல் அல்லது முடமாக்குதல் அல்லது விகாரமாக்குதல் அல்லது ஊனமாக்குதல் அல்லது அந்த நபருக்கு கொடுங்காயம் விளைவிக்கும் உட்கருத்துடன் எவரேனும் நபர் மீது அமிலம் வீசும் அல்லது அமிலம் வீச முயற்சிக்கும் அல்லது எவரேனும் நபருக்கு அமிலம் உட்செலுத்த முயற்சிக்கும் அல்லது வேறு வகையில் பயன்படுத்தி முயற்சிக்கும் எவர் ஒருவரும் ஐந்து வருடங்களுக்கு குறையாத ஆனால் 7 ஆண்டுகள் வரை நீட்டிக்க சிறை தண்டனைகள் இரண்டில் ஒன்று மற்றும் அபராதமும் மிதித்து தண்டிக்கப்படுதல் வேண்டும். 

விளக்கம் 1 – இந்தப் பிரிவின் நோக்கங்களுக்காக”அமிலம்” என்பதில் அமிலத்தன்மை உள்ள அல்லது அரிப்பு தன்மை அல்லது எரிக்கும் தன்மை உள்ள, அதாவது வடுக்கள் அல்லது விகாரம் அல்லது தற்காலிக அல்லது நிரந்தர ஊனம் ஏற்படுத்தி மனித உடலுக்கு தீங்கு விளைவிக்க கூடிய ஏதேனும் பொருள் உள்ளடங்கும். 

விளக்கம் 2 – “நிரந்தர அல்லது பகுதி சேதம்” என்பதில் நபர் ஒருவரின் உடலின் ஏதேனும் பகுதி அல்லது பகுதிகளின் உருக்குலைவு அல்லது முடமாக்குதல் அல்லது எரித்தல் அல்லது விகாரம் ஆக்குதல் அல்லது ஊனமாக்குதல் உள்ளடங்கும்.